س: هل الأمن الرقمي موضوع صعب؟
ج: لا مش صعب، تقدر تحمي خصوصيتك وبياناتك بسهولة، محتاج بس تركز في الممارسات اللي بتعملها وأنت بتستخدم الهاتف الذكي أو الحاسوب. ومحتاج تعرف إيه البرامج والتطبيقات اللي المفروض تستخدمها. بس الأهم إنك تعرف إن الموضوع مستمر، يعني مش هيتعمل مرة وخلاص على كدا، لكن لازم تكون طول الوقت مركّز إنك تحمي حياتك الرقمية بغض النظر عن وجود تهديد في الوقت الحالي ولاّ لأ.
س: أبدأ منين؟
ج: الموضوع بيختلف إذا كنّا بنتكلم عن الحواسيب الشخصية والمحمولة ولاّ عن الهواتف الذكية، كمان إيه عاداتك في الاستخدام، ونوع الأنشطة اللي بتمارسه، ونوع البيانات والمعلومات اللي إنت شايف إن ماينفعش حد يشوفها.
مش هنقول كل حاجة، بس في الآخر هنرشّح دليلين نقدر نتعلم منهم الأمن الرقمي خطوة بخطوة.
أول حاجة لازم تعملها إنك تحدد عادات استخدامك عشان تقدر تقيّم المخاطر الرقمية اللي بتقابلها. إيه أنواع الأجهزة اللي بتستخدمها (حاسوب مكتبي، حاسوب محمول، حاسوب لوحي، هاتف ذكي، ذواكر وأقراص تخزين ..إلخ) وبتستخدمها فين (البيت ، الشغل، كافيه ..إلخ) وإيه هي البرامج والتطبيقات اللي بتستخدمها، وبتستخدمها في إيه.
س: ناخد حاجة حاجة، نبدأ بالهواتف الذكية؟
ج: تمام، يُفضّل إنك تستخدم الهاتف أو التابلت اللي بيشتغل بنظام أندرويد، الموضوع هيكون أسهل نسبيا عن لو كنت بتستخدم أنظمة تشغيل تانية. عموما نتكلمأكتر نظامين تشغيل منتشرين دلوقتي، أندرويد وآي أو إس. فيه مجموعة إعدادات أساسية لازم تعملها على تليفونك قبل أي شيئ.
لازم تتأكد من إن الإعدادات دي موجودة في هاتفك الذكي:
– إنك تستخدم خاصية إقفال بطاقة تعريف المشترك Sim and Lock Settings
-إنك تستخدم خاصية قفل الشاشة Loack Screen
-إنك تشفر الجهاز
-إنك تتأكد من إن اللاسلكي (Wireless ) و نظام تحديد الموقع العالمي (GPS) والبلوتوث و تقنية التواصل قريب المدى (NFC) مقفولين
الحاجات دي بسيطة لكنها مهمة جدا.
– لو بتستخدم أندرويد ومش عارف إزّاي تعمل الحاجات اللي فاتت، شوف الرابط دا: https://securityinabox.org/ar/android_basic
– لو بتستخدم آي فون ومش عارف تعمل الحاجات اللي فاتت شوف الروابط دي:
– رابط بيشرح الأعدادات اللي ذكرناها
س: هي دي الحاجات الأساسية بس ولاّ فيه تاني؟
ج: لا مش هي دي بس، فيه الأهم من دا كلّه، زي ما قلنا في الأول إنك لازم تقيم عادات استخدامك، وفعليا دا أهم حاجة تعملها على الإطلاق. شوف الرابطين دول، فيهم الخلاصة:
س: طب بالنسبة للحواسيب المكتبية والمحمولة، إيه أهم الحاجات اللي المفروض أعملها؟
ج: زي الهواتف الذكية، أول وأهم حاجة هو تقييم المخاطر اللي ممكن تتعرض ليها، الرابط دا(تقييم المخاطر) فيه كلام عن موضوع التقييم، بص عليه في الأول.
بعد كدا لازم تعمل كلمة مرور للحاسوب، متسيبهوش كدا أي حد معدي يقدر يدخل عليه. بعدها تتأكد إن مافيش أي فيروسات أو أي برمجيات خبيثة على الجهاز. وأخيرا إختار البرامج اللي بتستخدمها بعناية مش أي برنامج تستخدمه وخلاص.
س: إزاي أعمل الحاجات دي؟
ج: أولا لما تختار كلمة مرور لازم تختارها كلمة صعبة مش سهلة، شوف الرابط ده بيشرح إزاي تألفها: تأليف كلمات السر القوية و الحفاظ عليها.
بعد كدا شفّر جهازك، فيه برامج كتير كويسة وسهله بتعمل. ممكن تشوف الرابط ده، فيه شرح بالعربي: كيفية تشفير جهاز الويندوز.
بعد كدا احمي جهازك من البرمجيات الخبيثة، وإعرف إزاي تحذف الملفات والبيانات اللي على جهازك من غير ما حد يقدر يرجعها. فيه برامج كتير تقدر تعمل بيها، الروابط دي فيها شرح:
– سباي بوت – صائد البرمجيات التجسسية
س: طب بالنسبة للبرامج اللي بستخدمها للشات والرسائل أعمل فيها إيه؟
ج: هنغير شوية في العادات وفي نوع البرمجيات والتطبيقات اللي بتستخدمها. يعني بلاش واتسآب وفايبر وفيسبوك ماسنجر.خلينا نشوف بدايل تانية أكثر أمنا، أنصحك تستخدم التطبيقات والبرمجيات دي:
بدل ما تستخدم واتسآب، استخدم تطبيق Signal Private Massinger:
– دليل: كيفية استخدام سيجنال Signal على أندرويد
– دليل: كيف تستخدم تطبيق signal على آيفون
تقدر من خلال تطبيق سيجنال إنك تتواصل مع أي شخص بيستخدم نفس التطبيق، سواء بالنصوص أو مكالمات صوتية أو ارسال الصور والملفات. واستخدامه سهل وعملي جدا.
انصح كل أصحابك إنهم يعتمدوا على سيجنال دا هيكون أمان ليك وليهم.
أما لو بتبعت إميل ومحتاج إنه يكون متشفّر، يبقى هتتعب شوية، بس مش كتير. هتحتاج تستخدم نوع من التشفير إسمه PGP ودا متوفّر ليه شرح بالعربي على الروابط دي:
– دليل: كيف تستخدم PGP على ويندوز
– كيفية استخدام PGP على أجهزة ماك
س: طيب بما إننا دخلنا في موضوع التشفير والإنترنت، إزاي أحافظ على نفسي وأنا بستخدم فيسبوك؟
ج: الموضوع بردو بسيط، بس محتاج منك حبة تركيز في اللي بتعمله وشوية إعدادت، البداية إنك تقرأ أكتر عن الموضوع، الروابط دي فيها الخلاصة:
– نصائح عامة في استخدام أدوات شبكات التواصل الاجتماعي
– كيفية تحديث إعدادات الخصوصية لحسابك
– كيفية تغيير إعدادات حساب فيسبوك الأساسية
– كيفية تعطيل و حذف حسابك على الفيسبوك
– وبالمرة نبص على تويتر: دليل أمان تويتر
– كمان بص على النصائح اللي نشرها رامي رؤوف على حسابه في فيسبوك، على الرابط ده.
س:طب لو أنا عايز أستخدم الإنترنت من غير ماحد يقدر يوصل لي، أعمل إيه؟
ج: بسيطة خالص، كل اللي عليك إنك تعمله، إنك تستخدم متصفح إسمه تور (TOR) ودا سهل جدا، وبيوفّر ليك مجهولية تامة أثناء استخدامك للإنترنت، بحيث إن ماحدش يقدر يعرف مكانك أو المواقع اللي بتزورها،وكمان بيتخطى حجب المواقع. ممكن تشوف شرح استخدامه على الروابط دي:
– طريقة استخدام برنامج تور Tor على أنظمة ويندوز Windows
– دليل: كيف تستخدم تور على الماك OS X
س: طب و تور دا بينفع على الموبايلات ولا إيه؟
ج: آه بينفع، لو إنت على أندرويد يبقى كل اللي عليك تعمله إنك تستخدم برنامجين مع بعض، واحد إسمه أوربوت ، والتاني أورويب. شوف الرابط دا، عشان تفهم أكتر، شوف الرابطين دول:
– «أوربوت» و«أورويب» لاستعمال شبكة «تور» في نظام «أندرويد»
– تصفّح الإنترنت بأمان عند استخدام الهواتف الذكية
س: خلص الموضوع على كدا؟
ج: ماخلصش طبعا، احنا قلنا الحاجات الشائعة والبسيطة، أنصحك بشدة إنك تشوف الأدلة التعليمية اللي بتتكلم عن الأمن الرقمي. دول أهم إتنين بالعربي:
—–
لو عندك سؤال ابعت لي على تويتر