شكرا

إممممم !!
أحيانا بتتعرض لموقف بيكون جديد عليك ، ممكن الموقف دا يكون بسيط أو بيتكرر كتير ، ممكن يكون انت نفسك شوفت ناس كتييييير كانوا قريبين منك وحصلهم نفس الموقف
بس لما يحصلك انت بتبقى مش مستوعبه أو يعنى مش عارف تعمل إيه
فى الوقت دا بتلاقى ناس بتقف جنبك ممكن تكون أول مره تشوفهم وتعرفهم أو علاقتك بيهم بسيطه أو أصحابك جداااا …… مش مهم
المهم إنهم بيكونوا جانبك فى وقت إنت محتاج حد جنبك
ممكن يكونوا مايقصدوش إنهم يقفوا جنبك إنت بالتحديد أو إن ظروفكوا متشابهه ووقفوا جنبك
لكن برده بتمتن ليهم إنهم وقفوا جنبك
تحس إنك مش لوحدك
أنا عايز أشكر ناس كتير أوى
ناس كتير أعرفهم من مده وناس تانيه ماشوفتهمش غير مره واحده وناس عايز أشوفهم تانى

رامى صيام إنت بالذات مش عارف أقولك ايه ، حاسس إنى لو قلت لك شكرا إنى هاهينك ، إنت محترم وراجل وبجد مش هنسى أى حاجه إنت عملتها مش عارف اقولك ايه فعلا
علاء ومنال وأحمد الدروبى ومحمد الشرقاوى ووائل عباس وعمر جميل أوى إللى إنتوا بتعملوه لزملاءكم بتسألوا وتطمنوا وتهتموا بناس ممكن تكونوا ما تعرفهومش اساسا بجد بجد إنتوا ناس جميله جدا
أصدقائى حرنكش و أحمد ماهر و محمد توفيق وجيمى و نادين و ندى ويوسف وبلال وشادى وساره عبد الجليل ومنه و محمد عواد و مصطفى محمود ومصطفى ماهر و حسام و أحمد نصار عايز أقلكوا إن إنتوا فعلا أحسن ناس قبلتهم
0محمد عادل ،احمد علاء ، وليد صلاح ، استاذ فاروق ،استاذ ناجى رشاد ، عصام محمد ، محمد عبد المالك : إنتوا كنتوا بتضحكوا ازاى؟؟؟؟؟!!!!!