فليكن الجميع كما يريدون

دائما ما كان يقول لنفسه أنة يرى فى نفسه مالا يراه الآخرون ، إقتنع بذلك ، لكن لم يقتنع الناس به ولا بكلامه ، ربما قليلون الذين إقتنعوا به
لا يزال يتذكر تلك اللحظات التى مرت به منذ فتره

– مش عارف أعمل معاك إيه ، مش شايف إخواتك عاملين إزاى؟
– أنا ماليش دعوه بحد
– مالكش دعوه بحد إزاى ، مش المفروض تبقى شاطر زيهم ؟
– ………………………………………………..

منذ أن خيب أمل أبوة في أن يدخل الكلية العليا وهو يكرة كل سلطة تمارس عليه
لكن أكثر ما كرهه هو سلطة أبوة

– يعنى أعملك إيه أكتر من كدا؟
– ماتعملش حاجه
– طب أمال انت بقيت كدا ازاى ؟؟ إزاى إنت مش زى إخواتك ولا زى الناس اللى حوالينا هو أنا مقصر معاك؟
– أيوة فعلا انا مش زيهم أنا أحسن منهم بس إنت اللى مش واخد بالك
– أحسن منهم فى إية ؟؟
– الدراسه مش كل حاجه ، وحتى لو هى دى المشكلة فبكرة تشوف أنا هكون إيه !!!

لا يعرف لماذا دائما يكون تفكيرة عكس تفكير أبوة
يعرف كثيرا أن أبوة ما فعل ذلك إلا لأنه يريد أن يكون إبنه أفضل منه
لكن هذا يخنقه

– طب قوللى إنت ليه مش تنفذ اللى بقولهولك وخلاص؟؟
– علشان أنا مش عايز أكون زيك يا بابا أنا عايز أعيش بطريقتى ؟
– بس إنت مسؤال منى لما تبقى تنفصل عنى وتعيش لوحدك إبقى إعمل اللى إنت عايزة

أحب النقود بقدر ما كرهها
أحب وجودها معه حتى يقلل من ضغط أبيه
يعتقد أن الشيىء الوحيد الذى يستغله أبيه فى أن يضغط عليه هى النقود
لذلك كرهها

– صليت الظهر
– آه
– صليته فين؟
– هنا
– طب ومابتصليهوش فى الجامع ليه ……….. إشمعنى فلان بيصلي فى الجامع

هو يحب الله
مقتنع ان الله سيهديه قريبا
يصلى أحيانا بحماسه
وأحيانا بدونها
وكثيرا لا يصلى
يرى أن أبوة بهذه الطريقه يكرهه فى الدين ، وكيف لا يشعر بهذا وهو يكره مجرد نصيحه تصدر عن أبيه

– إيه اللى إنت لابسه دا؟؟
– إيه؟؟
– مش حلوة الحاجات اللى إنت لابسها دى
– أيه دا رأيك بس الناس كلها عاجبها اللبس دا
– اسمع كلامى وغير اللى انت لابسه دا
– ايوة يا بابا بس دا عاجبنى أنا

لم يكون اللبس فقط الذى يريد أن يغيره أبوة فيه
ربما الطعام أيضا

– كل سلطة
– لا لا مش عايز مابحبوش اساسا
– ماينفعش لازم تاكل علشان صحتك تبقى كويسه انت مش شايف نفسك عامل ازاى؟
– بابا انا مش بحب الاكل دا وعايز آكل على مزاجى ثم دى صحتى أنا

يريد أن يكون نفسه
وأبوة أيضا يريد ذلك
لكن بطريقته هو وليس طريقته هو

– مش هينفع العيشة دى بجد أنا زهقت وطول الوقت قاعد زهقان ، إنتوا بتكبروا كل المواضيع حتى لو كانت بسيطة
– مانت لو كنت بتسمع كلامى ماكنش دا حصل
– منا لو سمعت كلامك فى كل حاجه هلاقى نفسى من غير شخصيه

قرر أن يختار كل شيىء فى حياته بنفسه مهما كلفه
وجد أن أشياء كثيرة يمكن أن يحصل عليها دون أى صدام مع أبوة
ربما قليل من التفكير يوصله لمراده دون صدام

– أنا قررت أحول من الكلية اللى أنا فيها
– إيه اللى انت بتقولة دا؟؟
– أيوة أنا عايز أدرس فنون جميله
– لا طبعا مافيش حاجه إسمها تحول يعنى بعد ما دخلت صيدله تسيبها وتحول فنون جميله؟؟
– أيوة أنا بحب الرسم
– إيه العبط اللى إنت بتقولة دا
– بابا أنا قررت خلاص أحول فنون جميله

يتذكر الآن كيف دخل كلية الصيدلة
والده يريده صيداليا
وهو الآن قرر أن يدرس بفنون جميله

– إنت مش بتقتنع غير برأيك
– آه منا عارف ، أنا بخطط لحياتى بطريقتى لما أحتاج مساعده هتلاقينى بطلبها

ربما يحب الخطأ أحسانا
قتنع أنه لا قيمه لحياة بدون أخطاء يتعلم منها
أو ينساها

– مش قولت لك ماتعملش كدا ؟؟ شوفت ؟ أديك ماسمعتش كلامى شوف بقى إيه اللى حصلك
– من حقى إنى أغلط علشان أتعلم

يتذكر كيف تزوج
المره الوحيده التى يتوقع فيها أن رد فعل أبوة سيكون موافقا لهواه

– بابا أنا عايز أخطب فلانه
– 🙂 دى منين وبنت مين وعرفتها إزاى؟

– ألف مبروك مراتك حامل
– الله يبارك فيك

لحظة فارقه فى حياته

لقد أصبح أب

الآن فقط علية أن يقرار

إذا كان حقا مقتنعا بنفسه فلقرر أن يكون إبنه ليس مثله ، وهو لن يصبح مثل أبوة