على الأغلب الحكومة المصرية بتحاول تحجب موقع فيسبوك ماسنجر https://www.messenger.com على شبكات الاتصالات المحمولة.
اليومين ال فاتو كتير من المستخدمين كان بيظهر لهم رسالة “Wating for network” على تطبيق ماسنجر على أندرويد و رسالة “messenger is currently unavailable” على متصفحات الوب على الكمبيوتر.الرسائل دي مش بتظهر في حالة استخدام إنترنت أرضي (واي فاي)
من شوية كان موقع https://www.messenger.com بالفعل محجوب تماما على فودافون. وفضل محجوب تقريبا ساعة وبعدين رجع تاني.
استخدام الماسنجر من الكمبيوتر على الواي فاي شغال طبيعي تقريبا، احيانا بيعلّق لكن نادر.
تطبيق فيسبوك ماسنجر على أندرويد بيتصل بـ4 آي.بي أثناء عمله:
157.240.195.17
157.240.195.15
157.240.3.29
31.13.71.7
فيسبوك فعليا بتمتلك نطاقات الأربعة آي.بي:
157.240.195.0/24
157.240.3.0/24
31.13.71.0/24
بعض العناوين المذكورة محجوبة بسبب التلاعب في نظام أسماء النطاقات (DNS Tampering) ودا معناه – على الأغلب – فيه فحص عميق للحزم، والبعض الآخر بطيئة بطريقة غير طبيعية.على الأغلب الحكومة بتحاول تحجب الماسنجر أو على الأقل بتحاول تخنق الوصول له (throttling). التجربة كانت على انترنت فودافون.
الأغرب إن كمان الحجب و الخنق دا بيروح وييجي مش مستمر طول الوقت، ماعرفش دا ممكن يكون بسبب إيه!
#ضد_الحجب