سنة 2007 تم إلقاء القبض علي خلال أحد المظاهرات ضمن مجموعة من الشباب بحركة “شباب من أجل التغيير”، وقتها أرسل لي أحمد ماهر رسالة عبر مجموعة بريدية خاصة بالحركة.
ما تستغربش لو لقيت نفسك فجأه مسجون و محبوس
ماتزعلش انك دلوقتى بين اربع جدران و ان الشباك عالى عليك
اوعى تخاف… صدقنى كله بيعدى
لو بصيت للسقف و لقيت نفسك مخنوق اوعى تزعل .و اوعى تندم انك جيت المظاهره و مارست واجبك
انا مش عارف اقولك ايه و مش عارف اركز فى الكلام بس انا عارف انك هاتستحمل
و كمان ماتنساش ان معاك ناس جدعان و محترمين.. كفايه ان معاك العظيم خالد عبد الحميد
إطمن…. اكيد هو هيخلى باله منكم
أكيد الجو برد عندك و مافيش غطا و يمكن يكون المكان اللى انت قاعد فيه مكان وسخ و زباله
لكن اوعى تندم
اقولك تعمل ايه لو لقيت نفسك زعلان و قرفان
اعمل زيى لما كنت فى السجن قبلك من سنه
نااااااام و كبر دماغك
انا عارف انك مش هاتقرى الكلام ده إلا لما تخرج … بس انا حاسس انك سامعنى و بتفكر فى الكلام اللى كنت بحكيهولك عن السجناحمد ماهر